“Цөлжилтийн эсрэг бидний үйлдэл” бүтээлийн уралдаан зарлалаа

Зориг сангаас хэрэгжүүлж буй байгаль орчны залуу манлайлал хөтөлбөрийн “Green linк” төслийн хүрээнд явуулж буй “Цөлжилтийн эсрэг бидний үйлдэл” бүтээлийн уралдааныг зарлалаа.

Уур амьсгалын өөрчлөлт, газрын доройтол, цөлжилтийн талаарх ерөнхий боловсролын сургуулийн сурагчдын мэдлэг ойлголтыг нэмэгдүүлэх, байгаль орчноо хамгаалах зөв хандлага, бүтээлч сэтгэлгээ, оролцоог дэмжих, тэдний дэвшүүлсэн шинэлэг санаа, шийдлийг олон нийтэд түгээн дэлгэрүүлэхэд энэхүү тэмцээний зорилго оршино. 

Хамрах хүрээ:

Ерөнхий боловсролын сургуулийн ахлах, дунд ангийн сурагчид оролцоно. 

УРАЛДААНЫ ТӨРӨЛ:

Ганцаарчилсан төрөл-Зургийн уралдаан:

Оролцогч сурагчид “Цөлжилтийн эсрэг бидний үйлдэл” сэдвийн хүрээнд өөрийн үзэл санаа, уриалга, шийдлийг зурагт бүтээлээр илэрхийлж оролцоно.

Багийн төрөл-Бүтээлч шийдлийн уралдаан:

2–5 хүний бүрэлдэхүүнтэй баг оролцох бөгөөд цөлжилтийн эсрэг чиглэсэн бүтээл, загвар, макет, эко шийдэл, туршилт, бүтээлч санаачилгын хэлбэрээр оролцоно.

БҮТЭЭЛД ТАВИГДАХ ШААРДЛАГА:

Ганцаарчилсан төрөлд

• Бүтээл нь уралдааны сэдэвтэй бүрэн нийцсэн байна.
• Зураг нь сурагчийн өөрийн бүтээл байна.
• Зургийг гар зураг, усан будаг, акрил, тосон будаг, өнгийн харандаа, эсгий бал зэрэг чөлөөт техникээр зурж болно.
• Бүтээлийн хэмжээ A3 эсвэл A4 байна.
• Бүтээлийн ар талд дараах мэдээллийг тодорхой бичнэ:
• Оролцогчийн овог нэр
• Анги
• Сургууль
• Холбоо барих утас
• Бүтээлийн нэр

Багийн төрөлд 

• Бүтээл нь цөлжилтийн эсрэг тодорхой санаа, шийдэл, үйлдлийг илэрхийлсэн байна.
• Багийн бүтээл нь макет, загвар, туршилт, дахин ашигласан материал ашигласан бүтээл, байгаль хамгаалах шинэлэг санаачилга зэрэг хэлбэртэй байж болно. 
• Бүтээл нь багийн хамтын оролцоотой хийгдсэн байна. 
• Бүтээлийн хамт дараах тайлбарыг хавсаргана:
• Багийн нэр 
• Гишүүдийн овог, нэр, анги 
• Сургууль 
• Бүтээлийн нэр
• Бүтээлийн товч тайлбар 
• Ямар асуудал шийдэхийг зорьсон тухай 
• Бүтээлийг үзэсгэлэнд байрлуулах тул тээвэрлэх боломжтой 

Бүтээл хүлээн авах, үзэсгэлэн зохион байгуулах:

Уралдаанд оролцогчид Google Forms-оор заавал урьдчилан бүртгүүлсэн байна.  Тэмцээнд ирүүлэх бүтээлүүдийг үзэсгэлэн болохоос 2 хоногийн өмнө заасан байршилд хүлээн авна. Үзэсгэлэн зохион байгуулах тодорхой өдөр, цагийг бүртгүүлсэн оролцогч бүрт утсаар холбогдож биечлэн мэдэгдэнэ. Уралдаанд ирүүлсэн нийт бүтээлээр нэгдсэн үзэсгэлэн гаргаж, олон нийтэд танилцуулна.Шилдэг оролцогчдыг үзэсгэлэнгийн үеэр шүүгчдийн үнэлгээнд үндэслэн шалгаруулна.  

Бүтээл бүртгэх хугацаа: 2026.04.01-2026.05.21 
Үзэсгэлэн зохион байгуулах хугацаа: 2026.05.22-25

ШАГНАЛЫН САН:

Төрөл тус бүрээр шилдэг оролцогчдыг шалгаруулна. Ганцаарчилсан төрөл:

• Тэргүүн байр өргөмжлөл, гарын бэлэг, 300,000 төгрөг
• Дэд байр өргөмжлөл, гарын бэлэг, 200,000 төгрөг
• Гутгаар байр өргөмжлөл, гарын бэлэг, 100,000 төгрөг 

Багийн төрөл:

• Тэргүүн байр өргөмжлөл, гарын бэлэг, 500,000 төгрөг
• Дэд байр өргөмжлөл, гарын бэлэг, 400,000 төгрөг
• Гутгаар байр өргөмжлөл, гарын бэлэг, 300,000 төгрөг

Анхаарах зүйл:

• Оролцогчийн ирүүлсэн бүтээл нь өөрийн эх бүтээл байх ёстой. 
• Бусдын бүтээлийг хуулбарласан, интернэтээс шууд авсан, өмнө нь өөр уралдаанд оролцуулсан бүтээлийг хүлээн авахгүй. 
• Уралдаанд ирүүлсэн бүтээлийг зохион байгуулагч тал олон нийтэд сурталчлах, үзэсгэлэн, тайлан, мэдээ мэдээлэлд ашиглах эрхтэй байна. 
• Бүтээл ирүүлснээр оролцогч энэхүү удирдамжийг зөвшөөрсөнд тооцно. 
• Уралдаанд ирүүлсэн бүтээлүүдийг үзэсгэлэнд дэлгэн үзүүлэх бөгөөд шалгаруулалт нь үзэсгэлэнгийн үеэр явагдана. 

Холбоо барих утас: 80807574 
Цахим шуудан: greenlinkmongolia@gmail.com 
Фейсбүүк хуудас: GREEN LINK 
Инстаграм хуудас: greenlink.climate

Эх сурвалж: Байгаль орчныг төлөөх залуусын манлайлал